Pasa den asteartean Porrotx izan genuen gure artean. DBH 2. mailako ikastalde batek egindako elkarrizketari erantzunez etorri zitzaigun, eta Haur Hezkuntzako haurrekin egoteko aukera ez zuen galdu. Eskerrik asko, Porrotx!
Ikastolako LH 5eko ikasleak eta irakasleak Arotz-Enean izan ziren pasa den astean. Bertan igaro zituzten hiru egun hainbat ekitaldi burutuz. Egonaldian zehar atera zituzten argazkiak ikusgai dituzue Alexian.
Ikastolako espazio berrien aurkezpenekin jarraituz, gune berri baten itxuraldaketarekin gatozkizue; HH2-3 bitartekoen geletarako sarbidea ematen duen Harrera Gunearena, hain zuzen ere. Dakizuen bezala, espazio hau etxetik gelara bitarteko trantsizioa errazteko helburuz sortu da.
2019-20an jaiotako haurren matrikulazio-aldia zabalik izango da urtarrilaren 13tik 24ra bitartean, otsailetik aurrera hasiko diren haurrentzat.
Gune berrien aurkezpenekin jarraituz, datorren urtarrilaren 9an, osteguna, ikastolako Harrera Gunea aurkeztu nahi genizueke. Beraz, HHko 1, 2 eta 3 urteko haurren geletako guraso ordezkariak gonbidatuta zaudete Harrera Gunean bertan arratsaldeko 6etan ospatuko den aurkezpen bilerara.
Igandean Urnobitzara mendi irteera izan genuen. Oraingoan bai. Oraingoan eguraldia portatu zen eta espero genuen igande goiz pasa ederra burutu genuen. 47 haur eta beste horrenbeste nagusi Madarixatik Urnobitza tontorrera abiatu ginen. Behin gaina lortuta, Urnobitza gainetik Lizundia aldera jo genuen, Arriagara jeisteko. Eguraldiak lagun, bista eta paraje ederrez gozatzeko aukera paregabea izan genuen.
Ikastolako parke berria komunitateri zabalduko zaio abenduaren 17tik aurrera, 16:30etik 17:45era. Denbora tarte horretan familiak izango dira haurren eta espazioaren zainketaren arduradun, beraz, denona eta bakoitzarena izango da espazio hauen erabilera egokia egitearen ardura. HH4koen sarrera eta irteera ere espazio honetatik egingo da abenduaren 17tik aurrera.
DBH 4ko ikasleak ikasbidaia antolatzen ari dira. Horretarako, errifak saltzen ibili dira abenduan zehar, eta baditugu saridunak: 1. sariduna 91 zenbakia da eta ordezkoa 1314 da. SIU fisitoterapian masaje bat da saria. 2. sariduna 1354 zenbakia da eta ordezkoa 33 da. Bigarren horretan Pelegrin eta Alkorta Bakailauak enpresen eskutik janari-sorta da saria. Saridunek urtarrilaren 10era arte dute ikastolara deitzeko.
Elgoibar Ikastola osatzen dugun guztion izenean Gabon Zoriontsuak eta urte berri ezin hobea opa dizuegu. Bulegoa abenduaren 21etik urtarrilaren 6ra bitartean itxita egongo da. (Haurtzaindegiko telefonoa: 688 896 633)
Haize bortitzaren eraginez parkinera ematen duen beirate bloke bat mugitu da, eta aste buruan segurtasuna mantentzeko eskola kirola bertan behera geldituko da. Horrek, ostiraleko entrenamenduak eta biharko partiduak ez ospatzea dakar.
LH 1 mailakoak Mufomi fosilen museora egin dugu bisita, ikasgelan dinosauroen inguruko gaia lantzen gaudela aprobetxatuz. Hainbat azalpen eta jakin-mina pizteko kontu interesgarri jaso dugu bertan!
Morkaikotik, Herri Eskola eta Ikastolako gurasoekin elkarlanean antolatutako mendi irteera proposatzen dizuegu abenduaren 15erako: Urnobitza. Oraingoan Elgoibarren bertan geldituko gara. Autoz Madarixa auzora joan eta handik Urnobitza aldera joko dugu.