Espazioa, puntako teknologia eta Elgoibar

Espazioa, punta-puntako teknologia eta Elgoibar

Pasa den asteartean, hilak 2, Elgoibarko AVS enpresako ordezkari bat elkarrizketatzeko eta euren esperientziaren berri izateko aukera paregabea gozatu genuen. Otsailean Marten lur hartu zuen Perseverance gailuari buruz hitz egin genuen, izan ere, herriko lantegi honek bi pieza egin ditu. Azalpenak enpresako langile den Andrea Armentiak eman zizkigun eta DBH4ko ikasleak oso gustura aritu ziren entzuten eta baita galderak egiten ere. Aurrerantzean ere burutzen dituzten proiektuak arretaz aztertuko ditugu eta beharrezkoa denean eurengana joko dugu berriro ere.