Liburuak bizi, gozatu eta partekatu

Liburuak bizi, gozatu eta partekatu
 

Aisialdirako esku-eskura dugun eskaintza zabala dela eta, nerabeek, orokorrean, gutxi irakurtzen dute eta sarritan ez dute irakurketa ekintza ludiko eta sozial gisa aintzatesten. 

Egoera horren aurrean, DBHko ikasleen artean irakurzaletasuna bultzatzeko asmoz hainbat ekintza jarri ditugu martxan ikasturte honetan. Esate baterako, gutxienez hilean behin irakurketari eskainitako eguna ezarri eta ekintza horri behar duen denbora eskaini arlo guztietan. Bestetik, hizkuntzetan (euskara, gaztelania, ingelesa eta frantsesa) ekintza desberdinak burutu dira: booktuberrak grabatu eta horietan euren gustuko liburuen berri eman, literatur - tertuliak antolatu, ahots gora irakurri klasean, etab. 

Guztiok eskaini beharko genioke merezi duen tartea zaletasun honi. Aberastu, baretu eta bidaiatu ezin dugun honetan imaginarazi egiten baitigu.