Martxoak 8 - Gaur ere bai!

 

 

 

Ekitaldiz betetako eguna izango da gaurkoa ikastolan ere. Emakume Langileen Nazioarteko eguna ospatzeko hainbat eta hainbat ekintza burutuko baitira egunean zehar, egun honetako aldarrikapen mezuekin Elgoibar Ikastolak bat egiten duela erakutsiz.

Pandemia garai honetan zaintza lanetan emakumeen ekarpena aldarrikatu nahi du modu berezian aurtengo aldarrikapenak. Udalak eginiko adierazpen instituzionalarekin batera (ikus behean), eta lankidetzan osatutako martxoak 8ko Elgoibarko manifestuarekin bat eginik, egun honek adinari begiratu gabe emakume guztiak ahalduntzeko daukan indarra erakutsi nahi du ikastolak ere gure jarduna blaituko duen ekitaldi desberdinen bitartez.