Ekintza ugarirekin ekin diogu martxoak 8ari ikastolan:
Lehen ekintza bezala atzokoan sortu zen Ikasleen berdintasun taldea aipatuko genuke. DBHko geletan hezikidetza gaien inguruan arituko den ikasle talde hori eratu dugu egunotan, eta atzokoan eman genion agerpena.
Bestalde, Haur Hezkuntzako haurrekin gai honen inguruko lanketa bideratu da, eta egunean bertan agerikotasuna emateko asmoarekin ikasleek soinean zerbait morea ekarri dute, kamiseta, jertsea, prakak, oinetakoak, pultsera, ileko goma...
Horrez gain familien inplikazioa ere eskertu dugu, sarrera-irteerako guneetan ezarritako den photocallean argazkia ateratzeko eta argazki horiek Instagram-era igo eta #EImartxoak8 gisa etiketatzeko proposamenari erantzun dietelako.
Egunean bertan ikastolako aurrealdea apainduz balkoian tela morea jarri dugu. Ez dira hor geratu apaintze-lanak, herriko espazio desberdinaten jarriko diren aldarrikapen mezuak eta hormirudiak diseinatu baitira.
Gela barruan gaiaren inguruko lanketa egin da egunotan, sentsibilizazioa sustatu nahian. LH 3ko ikasleek, martxoak 8ko abestiarekin, "All purples" koreagrafia lantzen aritu dira, eta gaur egin dute grabaketa. Hona beraien aldarrikapen-mezua:
DBHko ikasleek ere gazteen elkarteratze bateratuan parte hartu dute Herriko Plazan eguerdiko 13:00etan, komunikatu baten irakurketarekin amaitu dena:
