Datorren igandean, apirilaren 23an ospatuko den saskibaloi partidurako sarrera gonbidapenak banatu ditugu.
Donostiako Gipuzkoa Basket Klubaren izenean Gipuzkoako ikastola bakoitzari 100 sarrera eskaintzea erabaki du Klubak igandeko GUUK Gipuzkoa Basket eta Real Valladoliden arteko partidurako. Saskibaloia lantzen duten Lehen Hezkuntzako 4, 5 eta 6. mailen artean banatu ditugu sarrerak, interesa adierazi duten familien artean.
Guztira 48 ikaslek agertu dutenez interesa, ikasle bakoitzari bi sarrera eman zaizkio, soberan lau sarrera bakarrik gelditu direlarik.