Skip to main content

DEBABARRENEKO ESKOLARTEKO TXAPELKETA

Portadako irudia

Bertsozale Elkarteak eta Ikastolen Elkarteak elkarlanean antolatutako Eskolarteko Bertso Txapelketaren Debabarreneko idatzizkoa gaur ospatu da Elgoibarko Herriko Antzokian. Guztira, 74 ikaslek hartu dute parte, LH4tik DBH2ra bitartekoak, eta horietatik 68 Elgoibar Ikastolakoak izan dira.

Txapelketa honetan, ikasleek bertsoak sortzeko trebetasuna erakutsi dute, mailaka banatutako gaiak landuz:

  • LH 3. eta 4. maila: "Telebistan agertu naiz" (2 kopla edo bertso 1)

  • LH 5. eta 6. maila: "Famara heltzeko bidean noa" (4 kopla edo 2 bertso)

  • DBH 1. eta 2. maila: "Ikusten dudan bakoitzean larritu egiten naiz" (6 kopla edo 2 bertso)

Zorionak parte-hartzaile guztiei eta bertsolaritza sustatzen jarraitzen dutenei! Jardunaldi honek agerian utzi du bertsolaritzak indar bizirik jarraitzen duela gure artean.

xx
xx
xx

 

xx
xx

 

Azken albisteak

MAITANE ORMAZABALEN HITZALDIA LH6

LH 6. mailako ikasleek Maitane Ormazabal adituaren hitzaldian parte hartu dute, ikasleen gaitasun digitala eta emozionala lantzea helburu izan duen saioan. Jardueraren bidez, pantailek eguneroko bizitzan eta, bereziki, osasunean duten eraginaren inguruan hausnartzeko aukera izan dute.

BULEGOA ITXITA

Albiste honen bitartez abenduaren 19tik urtarrilaren 8rarte Elgoibar Ikastolako bulegoa itxita egongo dela jakinarazten dizuegu. Gabon zoriontsuak izan eta urte berri on!

GELA EGONKORRA

Irailean martxan jarri genuen gure Gela Egonkorra,eta poliki-poliki forma hartzen doa. Ikasgela hau ikasleen errealitate, ezaugarri eta interesetatik abiatzen den ikaskuntza-prozesuetan oinarritzen da, autonomia eta bizitza ahalik eta normalizatuena lortzeko behar dituzten trebetasunak garatuz.

ELKARTRUKEA DBH 1

DBH 1. mailako ikasleek ekintza berezia ospatu dute: Euskara eta Literatura arloan 1. unitatean egindako proiektuari amaiera emateko, Algortako San Nikolas ikastolako DBH maila bereko ikasleak etorri zaizkigu bisitan.
Gehiago