Elgoibar Ikastolaren dokumentalaren estreinaldia: memoria, komunitatea eta etorkizuna bat eginik
Abenduaren 10ean, Herriko Antzokian, Elgoibar Ikastolak une berezi eta hunkigarria bizi izan zuen: ikastolari buruz egindako dokumentalaren estreinaldi ofiziala. ikasle ohiek, familiek, langileek, herriko eragileek eta erakundeetako ordezkariek elkarrekin partekatu genuen emozioz betetako arratsaldea.
Dokumentalak Elgoibar Ikastolaren ibilbidea, izaera eta bihotza jasotzen ditu, herritik sortutako proiektu baten memoria kolektiboa eta balioak agerian utziz. Iraganari begiratzeaz gain, gaur egungo erronkei eta etorkizunari ere heltzen die, euskaratik, komunitatetik eta konpromiso sozialetik eraikitako hezkuntza-proiektu baten isla eginez.
Estreinaldia ez zen soilik ikus-entzunezko baten aurkezpena izan; elkarri begiratzeko, eskertzeko eta harro sentitzeko une partekatua izan zen. Ikastolaren bidea egin duten pertsona askoren ahotsak eta bizipenak elkartu ziren, argi erakutsiz Elgoibar Ikastola pertsonen arteko sare bizi bat dela.
Orain, dokumentala ikastolaren webgunean ikusgai dago, nahi duen orok lasai ikusi, partekatu eta berriz bizitzeko aukera izan dezan. Gonbidapena zabalik dago: hartu tarte bat, sakatu play, eta murgildu Elgoibar Ikastolaren historian eta etorkizunerako iparrean.
Eskerrik beroenak dokumental hau posible egin duten eragile, pertsona eta laguntzaile guztiei. Elkarrekin egindako bidea delako, eta elkarrekin jarraituko dugulako.
