Skip to main content

GELA EGONKORRA

Portadako irudia

GELA EGONKORRAREN AURKEZPENA

Irailean martxan jarri genuen gure Gela Egonkorra,eta poliki-poliki forma hartzen doa.

Ikasgela hau ikasleen errealitate, ezaugarri eta interesetatik abiatzen den ikaskuntza-prozesuetan oinarritzen da, autonomia eta bizitza ahalik eta normalizatuena lortzeko behar dituzten trebetasunak garatuz.

Proiektu hau Gela Egonkorreko langile guztien dedikazio eta konpromisoari esker da posible, baina ikastola osoaren inplikazioa eta elkarlana ezinbestekoak dira, egunero egiten dugun lana benetan eraginkorra eta esanguratsua izan dadin.

Eskerrik asko guztioi! Bidea elkarrekin egiten jarraituko dugu.

Azken albisteak

ELKARTRUKEA: BRETAINIA

DBHko ikasle-talde bat Elgoibar Ikastolatik Bretainian, Quimper herrian dago, eta dagoeneko elkartruke kulturalaz gozatzen hasi da. Bidaia hau ez da soilik leku berriak bisitatzeko aukera; hizkuntzak praktikatzeko, ohitura berriak ezagutzeko eta lagun berriak egiteko esperientzia aberasgarria da.

ETXEGINA TALDEA LH5

Santa Eskeko Etxegiña Taldea Euskal Herriko folklore eta tradizioekin sutsu dagoen komunitatea da. Talde honen helburua Euskal Kultur ondarea partekatzea eta zaintzea da, belaunaldiz belaunaldi transmititu diren ekitaldiak, dantzak, musika eta ohiturak sustatuz.

BARATZA HH3

HH 3ko ikasleek perrexila nola landatzen den (prozesua) ikasi dute gelan, eta ondoren praktikan jartzeko aukera izan dute ikastolako baratzean. Gelan azalpena jaso ostean, baratzera igo dira.

ITSAS ESPEZIEAK GERTUTIK EZAGUTZEN

Aquariumeko langileak Gela Egonkorrean izan ditugu, Manta eta Raia Gaztaka ezagutzeko antolatutako tailer berezian. Saioan zehar, bi espezieen arteko desberdintasunak landu dira, batez ere elikadura, habitatak, ugalketa eta egitura anatomikoa ardatz hartuta.
Gehiago