Lanbideen gaia lantzen ari dira 5 urteko gelan, eta aste honetan bisita berezi-berezi bat jaso dute.
Naiara Martin gerturatu da bere lanbidea azaltzera. Oinherrin egiten du lan, eta Euskal Herri osoan zehar aritzen da, haurren behar eta nahiei erantzuna ematen.
Bere azalpenetan argi utzi du zein garrantzitsua den BOROBILEAN ⭕ lan egitea: elkarlanean, guztion iritziak entzunez eta kontuan hartuz, helburu amankomunetara iristeko.
Ideia hori praktikan jartzeko, arkatz kooperatibo batekin marrazki bat egin dute. Elkarlanaren indarra bertatik bertara bizitzeko aukera paregabea izan da!
Eta, gainera… sorpresa bat ere izan dute! Naiarak Porrotx-ekin egiten duen lanari esker, berak ere bere lanbidearen inguruko hainbat kontu partekatu ditu.
Bisita aberasgarria eta benetan berezia izan da guztiontzat.
Eskerrik asko, Naiara eta Porrotx! ❤️🧡💛💚💙💜
