Herriko merkatari eta elkarteei digitalizatzen laguntzeko sortutako “Elgoibartik mundura” proiektuan DBH 3. mailako gure ikasleek herriko hiru elkarteren webguneak berritzen dihardute. CD Elgoibar, “Inazio Bereziartua” Musika Eskola eta “Haizea” Emakume taldea dira elkarte horiek.
Ikastolako Berriak
Maddi Gartziandia Arcelus eta Haizea Hernandez Eguiazu Biodonostiako ikerlarien bisita izan dute astean DBH 4. mailako ikasleek, iragan otsailak 11n Emakume Zientzialarien Nazioarteko eguna ospatu zela aintzat hartuta. Hitzaldiak Bigarren Hezkuntzako azken urteko ikasleen etorkizuneko ibilbidea argitu nahian egiten ari diren orientazio saioekin lotura izan du.
Morkaiko M.E.-ak Herri Eskola eta Ikastolako gurasoekin elkarlanean antolatutako mendi irteera proposatzen digute otsailaren 18rako. Oraingoan ere kostaldean ibiltzeko proposamena luzatzen digute, Mutrikutik Ondarroa bitartean. Eguraldiak lagunduz gero, ibilbide eder bezain atsegina burutzeko aukera izango da.
Eguraldiak hala behartuta Ikastolan ospatu behar izan dugu Inauterien festa koloretsua. Irudietan agertzen den bezala ikastolako kanpoko pistak haurrez bete dira, Zanpantzarrak, Bolantak, Txatxoak... Euskal Inauterietako pertsonaia guztiak bertan zirela.
Ikastolako Agenda 30 proiektu barruan ENERGIA gaia lantzen ari dira, eta aurtengo helburuetako bat familietan energia gutxiago kontsumitzeko ohiturak barneratzea da. Asmo horrekin, eta otsailaren 14a mundu mailako Energiaren dela aitzaki hartuta, horretan dabiltzan ikasleek galdetegi bat prestatu dute familietan banatzeko.
Lehen Hezkuntzako 2. mailako ikaslea den Luka Garate Bastidak irabazi du Udal Liburutegiko orri-markagailu lehiaketa bere kategorian, LH 5era arteko mailan. Gotzon Garate Udal Liburutegiak antolatutako lehiaketa honetan Berdinak ala desberdinak gara? lelopean egindako lanak bildu dira. Irudian, irabazlea. Zorionak!!