Skip to main content

Martxan da baratza!

Martxan da dagoeneko ikastolako baratza.

 

Baratza

Ikastolako kanpo espazioen urteetako eraldatzeari jarraituz, baratza berria eraiki dugu ikastolan.

Proiektua anitza da, Haur Hezkuntzako, Lehen Hezkuntzako eta Bigarren Hezkuntzako ikasleez gain, langileek (dozenteek nahiz ez-dozenteek) eta familiek ere parte hartuko dutena.

Helburu nagusia komunitate osoaren parte hartzeari esker, inguruaren zainketaren, errespetuaren eta lankidetzaren balioak ereiten segitzea da. Hartarako bidea ematen du mundu naturalak, eta inguruan daukagun natura horrekin sentsibilizazioa areagotzeko, eta berarekin gozatzen ikasteko bidea ere bada, zentzumenen estimulazioa areagotuz, esplorazioa, fenomeno berrien aurkikuntza eta horrek sortutako harridura sustatuz. Kuriositatea aktibatuz, gure baitan den naturarekin lotura sustatuz,...

 

baratza1

 

Martxan da beraz ikastolako baratza. Irudian agertzen den bezala, bankalak mailaka banatu ditugu, eta hauxe da, oraingoz, landatu duguna:

  1. Baba handian hazia: zulo bakoitzean 2 hazi (LH3-4) 

  2. Tipula landaria: 15cmko distantziara. (LH1-2) 

  3. Eskarola rizatua. 30 cm-tara. (DBH1-2) Berakatza: ale bakoitza landatu. (LH5-6)

  4. Libre utzi espinaka hazitik ateratzen dena landatzeko. DBH 3-4 zain egon HH-koen haziak hasi arte.

Azken albisteak

BERTSOLARITZA LH4-5

LH 4. eta 5. mailako ikasleak Bertsolaritza ekimenaren barruan bertso emanaldi bat egin dute ikasturte amaiera honetan. Pasa den astean berriz Kultur etxeko Sotora joan ziren Joanes Azpillaga eta Suhar Gesalaga Azpeitiako bertsolari gazteen bertso emanaldiaz gozatzera.

NIZU PROGRAMA LH6

Gaurkoan, Lehen Hezkuntzako 6. mailako ikasleek NIZU programaren azken saioa izan dute. Programa honen baitan, maiatzean Eibarko GUREAK enpresa ezagutzeko aukera izan zuten; bisita horretan, bertako langileen egunerokotasuna eta enpresaren funtzionamendua lehen eskutik bizitzeko parada izan zuten.

KAMISETA ETA ZAPI BEREZIAK

Ikasturtea amaitzear dago, eta badakigu atseden hartzeko eta festaz gozatzeko gogo handia daukazuela! Aurten urte berezia da Elgoibarren: San Bartolome jaiak eta Kilometroen Eguna ate joka ditugu! Horregatik, kamiseta eta zapi bereziak diseinatu ditugu aurtengo jaietarako

LEHEN SOROSPEN BILERA: DBH1 ETA DBH3

Aste honetan, DBH1 eta DBH3ko ikasleek lehen sorospenen tailer batean parte hartu dute, bizitzan gerta daitezkeen larrialdiei modu egokian erantzuteko gaitasuna garatzeko helburuarekin.
Gehiago