Alluitzera irteera
"Berotegia eraikiz, gure ekosistema txikia sortu" lelopean ari dira burutzen DBH 3. mailako ikasleak diziplinarteko proiektua. Biologia-Geologia, Matematika eta Teknologia arloak biltzen dituen egitasmo hau STEAM hezkuntzen baitan burutzen ari garen lanen parte da, eta hortxe kokatu behar dugu irteera honen xedea ere.
Datorren astean Lizagar Sagartokixa bisitatuko dute, sagastien ekosistemak ezagutzeko asmoz, eta azkenik euren berotegiak diseinatzeko lanari ekingo diote. Haziak landatu eta landareen hazte prozesuan eragina duten aldagaien neurketa egingo da, eta gure baratzean ere neurketak egiteko aukera emango du eskuratu berri dugun estazio meteorologikoari esker.
Maiatzaren 20an Elgoibarko II. Zientzia Azokan aurkeztuko ditugu ikasleen lanak.
