Azoka solidario arrakastatsua bizi genuen atzokoan, LH 6. mailaren eskutik antolaturiko ekintza sorta ederrean eta Elgoibarko Nuala elkarteari laguntzea helburu zeukan ekimenean. Artikuluan jaso ditugu Azokak emandakoen berri.
Lehen Hezkuntzako 6. mailak azoka solidarioa antolatu zuen atzo. Elgoibarko Nuala elkarteari laguntzea helburu daukan ekimenari hasiera emateko, bertsoak abestu ziren, akrosporteko figurekin dantzak burutu ziren, Bulego taldeak ere, Nuala elkartearekin batera, "Laku bat" abestiarekin dantza egin egin genuen.
Azkenik, azokan, bigarren hiruhilekoaren zehar burututako proiektuak ikusgai izan zituzten ikasleen familiek. Bertan izan ziren ikusgai, alde batetik, gaztelaniako arloan ikasleek egin dituzten sentimenduei buruzko collageak. Bestetik, informazio gunean, Nuala elkarteari buruzko informazioa izateaz gain, Euskal Herriko beste hainbat elkarteri (...) buruzko informazioa triptiko bitartez eskaini genuen. Bertan aipatzen ziren Dislegi, AdaHigi, Aspanogi, Aspace, Marea Urdina, eta Atzegi, besteak beste.
Bukatzeko, plastikako arloan egindako eskulanak eta ingelesean sukaldatutako pintxoak probatzeko aukera ere izan zuten bertaratu ziren gurasoek.
Ikasleak oso gustora aritu ziren eta beraien jarrera txalotzekoa izan zen ilusio handiz egindako ekintzan!
