Gaur maiatzak 2, Eskola-Jazarpenaren Aurkako Nazioarteko eguna da, gaitz honen arriskuaz kontzientziatzeko eta aurre egiteko helburuarekin ospatzen dena. Elgoibar Ikastolak duen helburu nagusietako bat ikasle guztien garapen egokia eta ongizatea da, horretarako ezinbestekoa izanik eskola jazarpenaren aurkako borrokan tinko mantentzea eta Kiva programak errazten digun prebentzio lanaren bitartez biktimekiko enpatia areagotzea, ikasle guztiei borroka horrekiko konpromisoa sustatzea eta mekanismoak eskaintzea.
Aspalditik dihardugun leloa birgogoratuz, ez ahaztu jazarpenaren aurkako borroka guztion ardura dela eta guztion artean geldiarazi behar dugula.
