Larunbat honetan, hilak 20, Elgoibarko II. Zientzia Azoka ospatuko da Lekuederren 11:00etatik 14:00etara. Gure ikasleak dagoeneko azken ukituak ematen ari dira aurkeztuko dituzten STEAM proiektuei eta hauen aurkezpenei.
Guztira 38 postu egongo dira bertan, hala nola, Elgoibarko ikastetxeetako gazteen eta haurren proiektuekin, Bizilabe ekimenean parte hartzen duten haurren lanekin, Robotika ikastaroko ikasleen lanen postuak, stand profesionalak eta Lanbide heziketako ikastetxeen eta unibertsitateen postuak izango dira.
Zientzia Azoka honen helburu nagusia da Elgoibarko umeek zientziaren eta teknologiaren arloan lantzen dituzten proiektuak herriari erakustea; baita ere, zientziarekin, teknologiarekin eta berrikuntzarekin lotutako balioak sustatzea eta gizartearen kultura zientifikoa handitzea.
Ekimenarekin bat eginik, Elgoibar Ikastolako ikasleak eta irakasleak larunbat honetan ikasturtean zehar eginiko proiektuak denei erakusteko prest egongo gara.
