Aste honetan gure ikastolako hainbat mailatan irteera pedagogikoak izan dituzte. Irteera bakoitzak gai zehatz batekin lotura izateaz gain, denek dute balioen lanketa komunean, hala, ikasleen autonomia garatzea, bizikidetza arauak errespetatzea eta ikasleen arteko harremana sendotzea oinarrizkoak bihurtzen dira honelako ekintzetan.
Asteazkenean LH4ko ikasleak eta irakasleak Aiako Harrian kokatua dagoen Arditurri parketxera egin dute irteera. Bertan bideratu diren ekintzetan, besteak beste, gizakiak ingurumenean izandako esku-hartzeen eragin batzuk azteru dira eta, natura-ingurunea babesteak eta errespetatzeak duen garrantziaz jabetzeko aukera izan dute.
Egun berean LH5ekoak Eibarko Suhiltzaileen parkera joan dira. Inguruneako arloan lan sektoreak lantzen ari dira eta honen harira, lanbide hau hobeto ezagutzeko aukera izan dute.
Azkenik, ostiralean, HH04 eta HH05 urtekoak Azpeitiko “Ekoetxea”ra eta Tren Museora egin dute irteera, hurrenez hurren. 4 urtekoak natura gaiarekin loturiko hainbat ekintza burutu dituzte: XVIII. mendeko Igarako errota zaharberritua ikusi dute eta jarraian, jolasen bitartez saguzaharren ezaugarriak ezagutu dituzte.
5 urtekoak, aldiz, Tren Museoa bertatik bertara bisitatzeko aukera izateaz gain, aspaldiko tren batean bidaiatxo bat egiteko aukeraz gozatu dute.
