Skip to main content

Ikasturte amaierako “Irakurlagun” saioak egin dira

Ikasturte amaierako “Irakurlagun” saioak egin dira

Irakurzaletasuna sustatzeko helburuz 2022-23 ikasturte honetan “Irakurlagun” deritzogun ekimenaren 8 saio egin dira DBH3. eta LH1. mailako ikasleen artean. Ekainaren hasieran izan dira azken saioak.

 

Ekimen hau gure ikasleen artean irakurzaletasuna sustatzeko helburuz sortu zen, nahiz eta, atzean beste helburu batzuk ere gauzatu diren. Horrela, ikasleen artean euskararen erabilera areagotzea eta Elgoibar Ikastolako ikasleen arteko hartu-emana bideratzea oinarri bihurtu dira. 

 

Ikasturteko azken saioa jolas batekin itxi zuten ikasleek. DBH3koek ezkutatu zituzten pistak aurkitzea, irakurtzea eta horietan zetorrena ulertuz marrazki bat egitea izan zelarik ekintzaren gakoa. Jolasari zailtasuna handitzeko LH1. mailakoek ezin zuten lurrik ukitu, beraz, DBHko ikasleek bizkar gainean eraman behar izan zituzten pistak zeuden lekuraino, hauek banaka jaso eta papera zuten lekura itzuliz.

 

Giro ezin hobean amaitu zuten ekimena!

 

Azken albisteak

Irudia
Morkaiko Mendizale Elkarteak, Herri Eskolako eta Elgoibar Ikastolako familiekin elkarlanean, Elosu-Polpol ingurura mendi irteera antolatu du azaroaren 15erako, igandea. Ekimenaren helburua da naturaz gozatzeko, inguruko ondare historikoa ezagutzeko eta familien arteko harremanak sendotzeko aukera eskaintzea.
Irudia
Urriaren 13an zendu zen Inazio Garmendia, Elgoibar Ikastolako irakasle ohia eta herriko euskalgintzan ibilbide luzea egindako euskaltzale konprometitua.
Irudia
Urriak 25erako Morkaikotik, Herri Eskola eta Ikastolako gurasoekin elkarlanean antolatutako mendi irteera proposatzen dizuegu: Zumaia Zarautz.
Irudia
DBH3ko ikasleak Olaizaga kiroldegian eskalada lantzen aritu dira hiru egunez! Esperientzia honen bidez, erronka berriei aurre egin, norberarenganako konfiantza indartu eta talde-lana sustatzeko aukera izan dute, betiere esperientziaz gozatuz.