Gure ikasleen artean euskara eta euskal kultura sustatzeko helburuz LH4. eta LH5.mailetan Bertsolaritza programa bideratzen da. Ikasturtea biribiltzeko helburuz eta datorren ikasturtera begira programan parte hartuko duten ikasle berriekin hainbat emanaldi egin dira.
Lehen emanaldia LH4. mailakoek eskaini zieten LH3koei. Ikasturtean zehar landurikoa plazaratu zuten eta, bide batez, LH3. mailakoek datorren ikasturtean parte hartuko duten programaren zertzelada batzuk ikusteko aukera izan zuten.
LH5. mailakoek, aldiz, bertsolaria den Naia Arrizabalagarekin bapateko bertsoez gozatzeko aukera izan zuten. Bi ikasturte hauetan eginiko lanketa praktikan jartzeko aukera izan zuten.
