Ikastolako Agenda 30 proiektu barruan ENERGIA gaia lantzen ari dira, eta aurtengo helburuetako bat familietan energia gutxiago kontsumitzeko ohiturak barneratzea da. Asmo horrekin, eta otsailaren 14a mundu mailako Energiaren eguna dela aitzaki hartuta, horretan dabiltzan ikasleek galdetegi bat prestatu dute familietan banatzeko.
Galdetegiaren asmoa energia aurrezteko ekintza bat praktikara eramatea izango da, eta etxean egin ditzakegun 5 ekintzetatik bat aukeratzeko eta egun batzuetan praktikan jartzeko gonbitea luzatuko digute.
Ekintza bat ohitura bilakatzeko 21 egun behar izaten direla kontuan hartuta, hilabete barru gogoraraziko digute, beste galdetegi baten bitartez, nolakoa izan den esperientzia. Kontzientzian eta egunerokoan eragiteko praktika bat gure ikasleen partetik. Animatu parte hartzera!
