Hainbat urteren ondoren, Gipuzkoako Ikastolen aldeko jaia Elgoibarren ospatuko da berriz ere. Gogotsu hartuko diogu Azpeitiko Ikasberri ikastolak utziko digun lekukoari. Erronka handia da, baina, era berean, gure komunitatea sendotzeko eta proiektua gizartetaratzeko aukera ezin hobea dela deritzogu. 1996ko egun euritsu hura gogoan, aukera berri bat izango dugu beste behin. 2025eko urriaren 5ean izango da hitzordua.
