Skip to main content

Orientazioarekin loturiko irteerak DBH 4. mailan

Astean zehar Orientazio akademikoarekin loturik hainbat irteera burutu dituzte gure DBH 4. mailako ikasleek. Hala, astelehenean Ideko Teknologi Zentrua bisitatu zuten Batxilergo Tekniko-Teknologikoan interesa agertu duten ikasleek; ostegunean, aldiz, Batxilergo Humanistikoaren aukerarekin bat egiten dutenen txanda izan zen. Hauek Alcorta Forging Groupera egin zuten bisita, Enpresa administrazioarekin, Giza baliabideekin, Medikuntzarekin eta Komunikazio eta Marketing eremuekin zerikusia duten jardunen inguruan sakontzera. Asteazkenean, guztiok egin zioten bisita egunean bertan hasiera eman zion Abian Lanbide Heziketako Azokari Eibarren.

abian
abian1
alcorta

 

Azken albisteak

ELIKAGAI BILKETA LH6

Lehen Hezkuntzako 6. mailako ikasleek Gipuzkoako Elikagaien Bankuak antolatutako janari bilketan parte hartu dute, PRK irakasgaiaren testuinguruan. Jardueraren helburua elkartasuna eta gizartearekiko konpromisoa lantzea izan da.

GERTURATZEN EGITASMOA

Pozik aurkezten dizuegu Gerturatzen Egitasmoaren 2. edizioa, haurtzaindegiko familien parte-hartzea sustatzeko sortutako egitasmo berria.

ESKALADA IKASTAROA DBH 3

DBH 3. mailako ikasleek aukera paregabea izan dute azken asteetan eskaladaren munduan murgiltzeko. Jarduera hauen bidez, konfiantza norberarengan, ausardia eta talde-lana bezalako balioak landu dituzte, beti ere segurtasuna eta elkarri laguntzea oinarri hartuta.

BARATZA BERRIZ MARTXAN

Ikastolako baratzeari berriro ere bizia emateko garaia iritsi da! Agenda 2030aren helburuekin bat eginez, ziklo guztietako ikasleak lanean hasi dira, gure ingurua zaindu eta elikadura osasuntsuaren garrantziaz ikasteko.
Gehiago