Martxoaren 8a ospatzen ari garen honetan, Konfekoopek, Euskadiko Kooperatiben Konfederazioak, merezitako aitortza egin die Euskadiko kooperatibetako bazkide aitzindari izan ziren emakume guztiei. Hori dela eta, ekitaldi xume bat antolatu dute Gasteizko Vila Suso jauregian, emakume horiek aitzindari gisa egindako lana nabarmenduz eta izan zuten protagonismoa eskertuz.
Kasu askotan modu ikusezinean jardun zuten emakumeak izanik, gaurkoan euren ekarpena bistaratzea lortu nahi izan da ekimen honekin, Kooperatiba desberdinetako emakume aintzindariak bilduz. Elgoibar Ikastolatik hiru emakume izan dira aitortza hori jaso dutenak: Garbiñe Beristain, Begoña Sorazu eta Maite Vallejo. Irudian Garbiñe eta Begoña ikus ditzakegu, Maitek ezin izan baitu Gasteiza joan.
