Maiatzaren 30ean, ostegunean, pleno txikia ospatu zen herriko Udaletxean. Bertan hiru ikastetxeetako Agenda 30eko ordezkariak udal agintariekin bildu ziren, Maialen Gurrutxaga alkatea, hirigintzako Jon Zubiaurre eta Iñaki Galdos idazkariarekin, hain zuzen ere. Egindako lana aurkeztu zaie agintariei, hala nola herriko etxeetan buzoneatutako esku orriak, kaleetan ikus daitezkeen kartelak, sare sozialetan igo diren bideotxoak eta gazteleku eta ludotekarako pegatinak. Aldi berean, udal agintariek iaz egin zitzaien proposamenen jarraipena egin dute, zer bete duten eta zer ez adieraziz eta arrazoiak emanaz. Eta, amaitzeko, hamaiketako edar eta osasungarriaz disfrutatu dugu.
Ekimenaren helburua energia kontsumo arduratsua bultzatzea izan da; beraz, hemendik aurrera ere, jarrai dezagun lanean udalerri jasangarriago baten alde!
