Irudia
Igandeak 27an Morkaiko Mendizale Elkartekoek mendi irteera izan zuten: irteera mikologikoa eta hazi bilketa.
Aurreko egunetan euria erruz bota bazuen ere, igandea argi esnatu zitzaien.
Goizean Maalako parkean 43 lagun elkartu ziren. Handik Morterika aldera jo zuten. Han perretxiku eta hazi bilketan pasa zituzten pare bat ordu, Ohiana Barrutia eta Aranzadi Zientzia Elkarteko Unai Fernandes gidari zituztela.
Ondoren, batutako hazi eta perretxikoekin Herri Eskolako patiora joan ziren. Han perretxikuen munduko azalpenak jaso zituzten eta baita hazi-bonbak prestatu ere.
Eguraldiak eta lagun giro bikainean igande goiz pasa ederra izan zuten.
Hurrengo haurren mendi irteera azaroaren 24an izango da: Elosu-Polpol-Irukurutzeta.
Animatu!
