Skip to main content

IRAKURLAGUN

Aste hontan zehar gure DBH3ko ikasleek LH3ko ikasleei irakurketa prozesuan laguntza ematen jardun dute goxotasun handiz. 

Irakurlagun ikasturte osoan zehar bideratzen dugun egitasmoa da, non DBHko ikasleek LHko ikasleekin elkartzen diren irakurtzeko.  

Proiektu honen bitartez maila ezberdinetako ikasleen arteko laguntza eta komunikazioa bultzatzea, irakurzaletasuna sustatzea, ikasle nagusien autoestimuan positiboki eragitea eta ikasle guztiak begirunean eta zaintzan heztea nahi da, besteak beste. 

Azken albisteak

LAN ESKAINTZA DBH

Elgoibar Ikastolan DBHko bi ordezkapen egiteko irakasleak behar ditugu. Pertsona konprometitu, dinamiko eta talde-lanerako gaitasuna duen profesionala bilatzen dugu, ikasleen garapen akademiko zein pertsonalean ekarpena egingo duena.

TANTA TXARTELA

Azpeitiko Ikastolak saldutako Tanta txartelak irabazi du aurtengo zozketa. Euskal Herriko Ikastolen aldeko Tanta zozketaren zenbaki saritua 69.834 izan da, eta txartelaren jabea azaldu da jada.

BERTSO JAIALDIA

LH4ko eta LH5eko 240 ikasle inguruk parte hartzen dute ikasturtero Elgoibarko Udalak finantzatutako eta Gipuzkoako Bertsozale Elkarteak gidatutako “Gu ere bertsotan” egitasmoan.

MUFOMI MUSEOA LH3

LH3ko ikasleek esperientzia aberasgarria bizi izan dute MUFOMI museoan. Ángel Tobajas-ren eskutik, uraren garrantzia eta Elgoibarko uraren jatorria ezagutu dituzte, esperimentu dibertigarri eta harrigarrien bidez.
Gehiago