Skip to main content

EUSKAL DIASPORAREN AURKEZPENAK

DBH4ko ikasleek euskal diasporaren inguruko proiektu bat gauzatu dute Ingelesko 1. unitatean, eta horren baitan, DBH 1 eta DBH2ko ikasleei aurkezpenak egin dizkiete. Proiektuaren helburutariko bat euskal diaspora desberdinen kausak eta ondorioak azaldu eta euren gizartean izan duen eragina ikertzea izan da. Horrela, ikasleek euskal kulturaren zabalkundeaz eta mundu osoko euskal komunitateen garrantziaz kontzientziatu dira, eta aldi berean, aurkezpenak egiteko trebetasunak garatu dituzte ikasle nagusi eta gazteagoen arteko elkarrekintza eta lankidetzan oinarritutako ikaskuntza esperientzia bat sortuz.

Azken albisteak

LAN ESKAINTZA DBH

Elgoibar Ikastolan DBHko bi ordezkapen egiteko irakasleak behar ditugu. Pertsona konprometitu, dinamiko eta talde-lanerako gaitasuna duen profesionala bilatzen dugu, ikasleen garapen akademiko zein pertsonalean ekarpena egingo duena.

TANTA TXARTELA

Azpeitiko Ikastolak saldutako Tanta txartelak irabazi du aurtengo zozketa. Euskal Herriko Ikastolen aldeko Tanta zozketaren zenbaki saritua 69.834 izan da, eta txartelaren jabea azaldu da jada.

BERTSO JAIALDIA

LH4ko eta LH5eko 240 ikasle inguruk parte hartzen dute ikasturtero Elgoibarko Udalak finantzatutako eta Gipuzkoako Bertsozale Elkarteak gidatutako “Gu ere bertsotan” egitasmoan.

MUFOMI MUSEOA LH3

LH3ko ikasleek esperientzia aberasgarria bizi izan dute MUFOMI museoan. Ángel Tobajas-ren eskutik, uraren garrantzia eta Elgoibarko uraren jatorria ezagutu dituzte, esperimentu dibertigarri eta harrigarrien bidez.
Gehiago