DBH4an, ekonomia arloan Kutxarekin batera Finantzak Bizitzarako Proiektuan hartu dugu parte. Simulazio-joko baten bidez, bizitzeko behar diren finantzen inguruko gaitasunak garatzea du helburu. Talde bakoitzari rol desberdin bat tokatu zaio (Politikaria, Start-up bat, Bikote gaztea, Familia...) bakoitza egoera ekonomiko desberdinekin. Urte betez, pertsonaia bakoitzaren aurrekontu bat osatu behar izan dute, hauen diru-sarrera eta gastuak adieraziz, hilabetero ustekabeko gastu edo egoera desberdinak suertatuz (hilabeteko karta bat banatzen zaie ustekabeko egoera batekin), bizitza errealean bezala.
Gaur azkeneko eguna izan da, beraz, taldeka egindako lanak aurkeztu ditugu, talde bakoitzak izandako gorabeherak eta oztopoak azalduz, eta kutxako finantza-profesionalek beraien esperientzia partekatu dute ikasleekin.
Oso esperientzia positiboa izan da ikasleentzat, errealitatera hurbildutako kasuak ezagutu dituztelako, etorkizunera begira baliagarriak izan daitezkeen ezagutzak landuz.
