DBH 1. mailako ikasleentzat atzokoa egun berezia izan zen, San Nikolas ikastolako maila bereko ikaskideak bisitan etorri zitzaizkigulako.
Euskara eta Literatura arloan 1. unitatean egindako proiektuari amaiera emateko, Algortako San Nikolas ikastolako DBH 1. mailako 81 ikasle bisitan etorri ziren atzokoan, erronka eta rol desberdin bat esperimentatzeko aukera sortuz eta beraien arteko harremana sustatu asmoz.
Ikastolako Erdiko Aretoan harrera ekitaldia egin ostean, ikasleak elkar ezagutzeko “Ginkana” ibilbidea egin zuten taldeka, herriko puntu desberdinetatik igaroz: MH Museoa, Gaztelekua, Maala, Altzolatarren jauregia, Herriko Plaza, Usua eta Aita Agirre. Eguerdi aldera Mintxetan elkartuko ziren denak, ondoren, egunari amaiera emateko, Ikastolan Kilometroetako logo aurrean photo call inprobisatu bat burutzeko.
Egunerokotasunetik kanpoko ekintza motibagarria izan zen, gelan ikasitakoa bertatik bertara ezagutzeko aukera eskaini zuena. Primeran pasa genuen!
