Skip to main content

GABON ZORIONTSUAK IZAN!

 

 

A zer egun polita gaurkoa! 

Eguna alaitasun handiz hasi dugu Olentzero eta Mari Domingiren bisitarekin. LH4ko ikasleek aurresku batekin harrera egin diete eta gure ikastolako ikasle guztiek musikaz gozatu dute Erdiko Aretoan, abesten eta dantzatzen. Opariak banatu ondoren, postal lehiaketako irabazleak ezagutu ditugu eta festa handi batekin itxi dugu 2024ko azken eskola eguna. 

Orain merezi dugun deskantsoa hartuko dugu, eskerrik asko ikasturte hasiera honetan bidelagun izan zareten guztioi eta gabon zoriontsuak izan! 

Azken albisteak

SUHILTZAILEEN PARKEA LH5

LH 5. mailako ikasleak eta irakasleak Eibarko Suhiltzaileen Parkean izan dira, Ingurunea arloan lantzen ari diren lan-sektoreen gaia bertatik bertara ezagutzeko. Irteeraren helburu nagusia suhiltzaileen lanbidea gertutik ezagutzea eta larrialdi egoera baten aurrean hartu beharreko neurriak ikastea izan da.

UDALBATZARRA

Debegesarekin eta Udaleko Ingurumen Sailarekin elkarlanean, Elgoibar Ikastolak, Herri Eskolak eta Elgoibar BHIk martxoaren 9an Aita Agirre plazan egindako azoka solidarioaren proiektuaren balorazioa aurkeztu dute azken Udalbatzarrean, Eskola Agenda 2030 ekimenaren baitan.

MAKINA ERREMINTAREN MUSEOA LH1

Asteazkenean, LH1.mailako ikasleek Makina Erremintaren Museoa bisitatu zuten. Gelan lantzen ari diren makinen gaiarekin lotuta, makina desberdinak ezagutzeko eta haien funtzionamendua ikasteko aukera paregabea izan zuten.

50 JAI 50 TONTOR

Gure ikastolak bat egiten du 50 jai 50 tontor ekimenarekin! Ikastolako langileek, ikasleek eta familiek Hirukurutzetara igotzen dute, giro paregabean eta komunitatearen indarra ospatuz.
Gehiago