Skip to main content

ELGOIBAR IKASTOLA: GURE HISTORIAREN BIDAIA

Portadako irudia


Elgoibar Ikastolan abentura berri bati ekingo diogu: gure ikastolari buruzko dokumentala sortzera goaz. Irudien eta lekukotasunen bidez, gure ikastolaren ibilbidea erakutsiko dugu, sustraietatik gaur egunera arte.

Badihardugu Elkartea, Elgoibarko Izarra eta Elgoibarko Udala-rekin elkarlanean egindako lan honen helburua argia da: ikastolen mugimendua, eta bereziki, Elgoibar Ikastolaren sorrera ulertzeko arrazoiak eta motibazioak ezagutaraztea.

Guztion historia da hau, eta komunitate osoa gonbidatu nahi dugu parte hartzera. Laster xehetasun gehiago!

Bitartean, hemen duzue bideo promozionala!

Azken albisteak

EMANALDIA HH1

Atzo ospatu genuen ikasturte honetako azken emanaldia, eta modu ederrean borobildu genuen erakustaldien zikloa. Ikastolako txikienek erdiko aretoa dantzan jarri zuten, eta familiak bertatik bertara gozatu zuten ikuskizunaz.

UDALBATZARRA

Maiatzaren 29an, herriko Udaletxean Pleno Txikia ospatu genuen. Bertan, herriko hiru ikastetxetako Agenda 30 programako ordezkariak elkartu ziren udal agintariekin.

CONFINT

Joan den maiatzaren 23an, ostirala, gure Ikastolako Confint ospatu genuen. Ekitaldi honetan, Agenda 30eko zenbait arduradunek aurkezpen baten bidez azaldu zuten zer den Confint, eta gogora ekarri zuten kontsumoa eta osasuna ardatz hartuta aurtengo ikasturtean ikastolan egindako lana.

ESKOLA KIROLA 25/26

2025-2026 ikasturteko Eskola Kirola programan izena emateko epea zabalik dago. Izena emateko azken eguna ekainaren 6a izango da.
Gehiago