MORKAIKO MKK
Igandean Olatzera haurren mendi irteera eduki genuen.
Aspaldiko partez eguna argi esnatu zen. Egia esan, aurtengo ikasturteen eguraldiak ez digu bat ere lagundu. Alerta zela eta, bi irteera bertan behera utzi behar izan ditugu eta hirugarrenean euri jasa izan genuen.
Goizean Mintxetan elkartu eta handik Olatzera joan ginen. Denera 57 haur eta beste horrenbeste nagusi batu ginen.
Ibilbideari Olatzeko eliza paretik ekin genion. Aldapa haundirik gabeko ibilbide eder bat burutu genuen eguzkipean. Paraje ederra eta majikoa Olatz ingurua. Zelaiak, artadiak, baserriak, animaliak, kobazuloak...
Hiru bat orduko ibilbide ederraren ondoren, bazkal ordurako Elgoibarrera bueltatu ginen.
Goiz pasa ederra osatu genuen.
Datorren irteera Martxoak 16an izango da. Animatu!
