Skip to main content

EMAKUMEEN NAZIOARTEKO EGUNA

Portadako irudia
Irudia

Martxoak 8: ospatu, baina batez ere, aldarrikatu!

Martxoaren 8an, Elgoibar Ikastolan Emakumeen Nazioarteko Eguna ospatu eta aldarrikatu dugu. Egun honek historian zehar emakumeek berdintasunaren alde egindako borroka gogora ekartzen digu, eta, aldi berean, oraindik ere lortu beharreko bidea luzea dela azpimarratzen dugu.

Egun hau aldarrikatzeko, hainbat ekintza egin ditugu ikastolan, ikasle eta irakasleen parte-hartzearekin. Alde batetik, DBH 4ko ikasleek ikastolako kanpoko balkoian tela morea jarri dugu, ekintza sinboliko honen bidez berdintasunaren aldeko konpromisoa eta emakumeen ikusgarritasuna adierazteko.

Bestalde, DBHko maila guztietan lelo lehiaketa antolatu dugu, eta irabazlea Goiuria Bilbao Sánchez izan da, “Alaba, emazte, ama, neskato. Aski da, oihuka dezagun” leloarekin. Gainera, Erdiko aretoan "M8" handi bat jarri dugu ikusgai, eta ikasle guztiok (HH-LH-DBH) guretzat esanguratsuak diren emakumeen irudiak itsatsi ditugu. Modu horretan, komunitate osoak elkarrekin osatutako omenaldi berezia sortu dugu.

Argazkiak martxoan zehar ikusgai egongo dira. Berdintasunaren aldeko borroka guztion ardura da, eta Elgoibar Ikastolan tinko jarraituko dugu lanean!

Azken albisteak

Irudia
Aurtengo Kolimetroetako Tanta boletoen zozketan 67.975 izan da zenbaki saritua. Ordezko zenbakia: 37.597. Eskerrik asko parte hartu duzuen guztioi eta zorionak irabazleari!
Irudia
LH 4. eta 5. mailako ikasleak Bertsolaritza ekimenaren barruan bertso emanaldi bat egin dute ikasturte amaiera honetan. Pasa den astean berriz Kultur etxeko Sotora joan ziren Joanes Azpillaga eta Suhar Gesalaga Azpeitiako bertsolari gazteen bertso emanaldiaz gozatzera.
Irudia
Gaurkoan, Lehen Hezkuntzako 6. mailako ikasleek NIZU programaren azken saioa izan dute. Programa honen baitan, maiatzean Eibarko GUREAK enpresa ezagutzeko aukera izan zuten; bisita horretan, bertako langileen egunerokotasuna eta enpresaren funtzionamendua lehen eskutik bizitzeko parada izan zuten.
Irudia
Ikasturtea amaitzear dago, eta badakigu atseden hartzeko eta festaz gozatzeko gogo handia daukazuela! Aurten urte berezia da Elgoibarren: San Bartolome jaiak eta Kilometroen Eguna ate joka ditugu! Horregatik, kamiseta eta zapi bereziak diseinatu ditugu aurtengo jaietarako