Skip to main content

XXV. PILOTA EGUNA

Larunbatean Elgoibar Ikastolan XXV. Pilota Eguna ospatu genuen giro ezin hobean!

Eskerrik beroenak antolaketan lagundu zuten guztiei, boluntarioei, babesleei eta, noski, parte hartu zenuten pilotariei eta familiei! Zuen ilusio eta ekarpenari esker, egun borobila izan zen! 

Mila esker baita ere, sari banaketan izan genituen kontseilu errektoreko Erika Lehr-i, Elgoibarko Udaleko Maialen Gurrutxaga alkateari, kirol zinegotzi den Ricardo Astigarragari, kirol patronatuko Ramon Mugikari, ASPEko pilotari den Xabi Erostarberi, ADOS pilota elkarteko Eneritz Arrieta eta Naroa Agirreri eta azkenik Lagunak pilota elkarteko Aitor Berguari.

Zorionak guztioi eta mila esker ekimen hau posible egiteagatik! Hurrengo urtera arte! 

Azken albisteak

HITZALDIA

Eraldaketa pedagogikoaren testuinguruan, espazioek hezkuntzan duten garrantziaz hausnartzeko aukera izango dugu, Oskol Arkitekturaren eskutik antolatutako saioan. Martxoak 26, 17:00etan Elgoibar Ikastolako erdiko aretoan.

KORRIKA 24

Datorren martxoaren 19an Korrika 24 hasiko da Atharratzen. Hamar egunetan zehar Euskal Herria zeharkatu ondoren, Bilbon bukatuko da martxoaren 29an. Korrika, AEK-k antolatuta, Euskal Herri osoan zehar egiten den euskararen aldeko lasterketa erraldoia da.

XXVI. PILOTA EGUNA

Eskerrik beroenak antolaketan lagundu duten guztiei, boluntarioei, babesleei eta, noski, parte hartu duzuen pilotariei eta familiei! Zuen ilusio eta ekarpenari esker, egun borobila izan da!

MENDI IRTEERA: IRIMO

Martxoak 15rako Morkaikotik, Herri Eskola eta Ikastolako gurasoekin elkarlanean antolatutako mendi irteera proposatzen dizuegu: IRIMO. Oraingoan Urola Goierri ingurura joango gara.
Gehiago