Skip to main content

GURE HAURRAK ERE BADIRA

GURE HAURRAK ERE BADIRA 

Gaur, martxoaren 24an, Elgoibar Ikastolak bat egin du Gure Haurrak ere Badira egitasmoarekin, Palestinako haurrek jasaten duten sarraskia salatzeko eta gure elkartasuna adierazteko. Kontzentrazioan, banderak, pankartak eta leloak erabiliz, ozen aldarrikatu dugu: ASKI DA!

Israelgo armadak, AEBren babesarekin, beste behin ere su etena hautsi eta ehunka zibil palestinar erail ditu, horietako asko haurrak. Elgoibar Ikastolan ezin dugu horren aurrean isilik geratu, ezin dugu basakeria hau normalizatu. Horregatik, gaurko ekimenaren bidez, gure ahotsak altxatu ditugu genozidioaren aurka eta Palestinako herriarekin elkartasuna adierazteko.

Eskerrik asko eta zorionak parte hartu eta ekarpenak egin dituzuen guztioi. Elkartasunak eta mobilizazioak ezinbestekoak dira justizia eta bakea lortzeko. 

Palestina aske! 

Azken albisteak

MAKINA ERREMINTAREN MUSEOA LH1

Asteazkenean, LH1.mailako ikasleek Makina Erremintaren Museoa bisitatu zuten. Gelan lantzen ari diren makinen gaiarekin lotuta, makina desberdinak ezagutzeko eta haien funtzionamendua ikasteko aukera paregabea izan zuten.

50 JAI 50 TONTOR

Gure ikastolak bat egiten du 50 jai 50 tontor ekimenarekin! Ikastolako langileek, ikasleek eta familiek Hirukurutzetara igotzen dute, giro paregabean eta komunitatearen indarra ospatuz.

INAUGURAZIO OFIZIALA

Felix Etxeberria “Parapan” Elgoibar Ikastolako sortzaile eta sustatzaileetako bat izan zen, euskaltzale sutsua eta ikastolaren proiektuarekin erabat konprometitutako pertsona. Bere bizitzan zehar erakutsitako atxikimendu horren adierazgarri, bere ondarearen zati bat, Muskurutxun kokatutako lursail bat, ikastolari dohaintzan utzi zion.

SIMULAKROA

Gaur goizean suaren simulakroa egin dugu gure ikastolan, larrialdi egoera baten aurrean nola jokatu praktikatzeko eta ikastola modu seguru eta koordinatuan husteko prozedurak berrikusteko helburuarekin.
Gehiago