Skip to main content

STEM-EKO EXPERT ZIGILUA LORTU DUGU!

Elgoibar Ikastolak STEMeko EXPERT zigilua jaso du, eta gure hezkuntza-proiektuarentzat aitortza garrantzitsua da hori, bereziki zientzia eta teknologiaren arloan egiten ari garen lanari dagokionez.

Zigilua lortzea talde-lanaren emaitza izan da. Ezinbestekoak izan dira ikastolako hezkuntza-komunitatearen konpromisoa, ahalegina eta ekarpenak. Eskerrik asko guztioi, bihotzez!

Berezi egin nahi dugu, halaber, Patxi Larrea irakaslearen lana. Berak prozesua modu eredugarrian gidatu du, eta bere inplikazioari eta konpromisoari esker lortu dugu aitortza hau. Eskerrik asko eta zorionak, Patxi!

Aurrera jarraituko dugu gure ikasleen jakin-mina eta gaitasun zientifiko-teknologikoak sustatzen. Bide onetik goaz!

Azken albisteak

MUFOMI MUSEOA LH3

LH3ko ikasleek esperientzia aberasgarria bizi izan dute MUFOMI museoan. Ángel Tobajas-ren eskutik, uraren garrantzia eta Elgoibarko uraren jatorria ezagutu dituzte, esperimentu dibertigarri eta harrigarrien bidez.

ELKARTRUKEA DBH 2

Aurten ere, DBH 2. mailako ikasleok ikasturteko abentura handienetako bati aurre egin diogu: elkartruke bidaia. Gelako ateak eta ohiko errutina atzean utzita, esperientzia bikain honetan murgildu gara, motxilak urduritasunez, ilusioz eta ekintzez beteta.

ELIKAGAI BILKETA LH5

Lehen Hezkuntzako 5. mailako ikasleek Gipuzkoako Elikagaien Bankuak antolatutako elikagai bilketa kanpainan parte hartu dute. Kanpaina honen helburua uda aurretik biltegiak hornitzea da, behar gehien duten familiei laguntzen jarraitzeko.

SUHILTZAILEEN PARKEA LH5

LH 5. mailako ikasleak eta irakasleak Eibarko Suhiltzaileen Parkean izan dira, Ingurunea arloan lantzen ari diren lan-sektoreen gaia bertatik bertara ezagutzeko. Irteeraren helburu nagusia suhiltzaileen lanbidea gertutik ezagutzea eta larrialdi egoera baten aurrean hartu beharreko neurriak ikastea izan da.
Gehiago