Skip to main content

LH 4. mailako ikasleak Arotz Enean

Irudia

LH 4. mailako ikasleak Arotz Enean
Pasa den astean, Lehen Hezkuntzako 4. mailako ikasle eta irakasleek Arotz Enean egonaldi zoragarria izan zuten. Bertan, natura eta sormena uztartzen dituzten jarduera ugari egin zituzten.

Aipagarrienetako bat inguruko kobazuloetara egindako irteera izan zen. Kobazulo bakoitzaren inguruan istorio txiki bat kontatu zieten, eta horrek bisita berezi eta magiko bihurtu zuen. Bestalde, izpilikuarekin (lavanda) erredura eta ziztadentzako ukendua egiteko tailerra ere burutu zuten, esperientzia praktiko eta aberasgarria.

Egunez jolas eta jarduera desberdinez gozatzeko aukera izan zuten, eta gauean, giro berezia sortu zuten: pista jolasa, disko festa eta pijama desfilea egin zituzten, ohera joan aurretik umore eta alaitasunez betetako uneak partekatuz.

Esperientzia borobila izan da, lagunartean bizipen berriak partekatzeko aukera paregabea!

Azken albisteak

Irudia
Morkaiko Mendizale Elkarteak, Herri Eskolako eta Elgoibar Ikastolako familiekin elkarlanean, Elosu-Polpol ingurura mendi irteera antolatu du azaroaren 15erako, igandea. Ekimenaren helburua da naturaz gozatzeko, inguruko ondare historikoa ezagutzeko eta familien arteko harremanak sendotzeko aukera eskaintzea.
Irudia
Urriaren 13an zendu zen Inazio Garmendia, Elgoibar Ikastolako irakasle ohia eta herriko euskalgintzan ibilbide luzea egindako euskaltzale konprometitua.
Irudia
Urriak 25erako Morkaikotik, Herri Eskola eta Ikastolako gurasoekin elkarlanean antolatutako mendi irteera proposatzen dizuegu: Zumaia Zarautz.
Irudia
DBH3ko ikasleak Olaizaga kiroldegian eskalada lantzen aritu dira hiru egunez! Esperientzia honen bidez, erronka berriei aurre egin, norberarenganako konfiantza indartu eta talde-lana sustatzeko aukera izan dute, betiere esperientziaz gozatuz.