Irudia
Esperientzia berezia Orioko egonaldian
Astelehen eta asteartean, Lehen Hezkuntzako 2. mailako ikasle eta irakasleek Orioko egonaldiaz gozatzeko aukera izan zuten. Askorentzat etxetik kanpoko lehen bizipena izan da, eta, horri esker, autonomia eta elkarbizitza lantzeko aukera paregabea izan dute.
Lehen egunean, Orioko hondartzan jolasean ibili ziren; bigarrenean, Zarautzeko kanpinera ibilaldia egin zuten, inguruko paisaiaz eta naturaz gozatzeko. Naturarekiko harremana estutu, ingurumenarekiko kontzientzia landu eta lagunarteko une ederrez bete zuten egonaldia.
Esperientzia ahaztezina izan da guztiontzat!
