Confint ospakizuna Ikastolan eta parte-hartzea Euskal Herriko topaketan
Joan den maiatzaren 23an, ostirala, gure Ikastolako Confint ospatu genuen. Ekitaldi honetan, Agenda 30eko zenbait arduradunek aurkezpen baten bidez azaldu zuten zer den Confint, eta gogora ekarri zuten kontsumoa eta osasuna ardatz hartuta aurtengo ikasturtean ikastolan egindako lana. LH 5-6 eta DBH 1-2ko ikasleek parte hartu zuten saio honetan.
Horren segidan, maiatzaren 26an, Euskal Herriko Confint topaketan izan ginen Busturian. Elgoibar Ikastolako bi ekoliderrek, Libe Soto eta Ane Cerrejon-ek, Ekoetxean egin zen ekitaldian hartu zuten parte. Bertan, Araba, Gipuzkoa eta Bizkaiko beste hainbat ikastetxetako ekoliderrekin elkartu ziren, egindako proiektuak elkarbanatuz eta tailer desberdinetan parte hartuz.
Topaketaren azken zatian, Estatuko hurrengo Confinterako ordezkari berriak aukeratzeko bozketa egin zen. Laster jakingo dugu nortzuk izango diren hautatuak!
