Skip to main content

ESKERRIK ASKO, MIKEL!

Atzo Mikel Zengotitak gure ikastolako ate nagusiak itxi zituen azken aldiz mantenu lanetan. Urte askotan, isilean baina etengabe, gure ikastolaren bihotzaren parte izan da: pasabideak txukun, txokoak prest eta dena beti martxan.

Ikasle, irakasle eta langileon egunerokoan, Mikelek egindako lanak beti izan du lekua, nahiz eta askotan oharkabean joan. Atzo, ordea, eskerrak emateko unea izan zen: bere lanagatik, bere dedikazioagatik eta batez ere bere jarreragatik.

Ikastola ere zu izan zara, Mikel, eta zure arrastoa gure artean geratuko da.

Zorionak merezitako atsedenagatik, eta mila esker bihotzez, urte hauetan guztietan emandakoagatik. 🥂✨

Azken albisteak

BERTSO JAIALDIA

LH4ko eta LH5eko 240 ikasle inguruk parte hartzen dute ikasturtero Elgoibarko Udalak finantzatutako eta Gipuzkoako Bertsozale Elkarteak gidatutako “Gu ere bertsotan” egitasmoan.

MUFOMI MUSEOA LH3

LH3ko ikasleek esperientzia aberasgarria bizi izan dute MUFOMI museoan. Ángel Tobajas-ren eskutik, uraren garrantzia eta Elgoibarko uraren jatorria ezagutu dituzte, esperimentu dibertigarri eta harrigarrien bidez.

ELKARTRUKEA DBH 2

Aurten ere, DBH 2. mailako ikasleok ikasturteko abentura handienetako bati aurre egin diogu: elkartruke bidaia. Gelako ateak eta ohiko errutina atzean utzita, esperientzia bikain honetan murgildu gara, motxilak urduritasunez, ilusioz eta ekintzez beteta.

ELIKAGAI BILKETA LH5

Lehen Hezkuntzako 5. mailako ikasleek Gipuzkoako Elikagaien Bankuak antolatutako elikagai bilketa kanpainan parte hartu dute. Kanpaina honen helburua uda aurretik biltegiak hornitzea da, behar gehien duten familiei laguntzen jarraitzeko.
Gehiago