Skip to main content

MENDI IRTEERA

Portadako irudia

Mendiko irteera: eguraldiak lagundu ez arren, goiz atsegina

Eguraldi iragarpenak ez ziren oso onak izan arren, goizeko 9:30ean elkartu zen 16 laguneko taldea plazan. Guraso eta haurrek, zira eta aterkiekin hornituta, mendi ibilaldi txiki bat egiteko gogoz abiatu ziren San Roke auzorantz.

Ibilbidean zehar tarteka aterri eta tarteka zaparradak izan zituzten, baina erritmo onean aurrera eginez, bi orduren buruan iritsi ziren Soraluze aldera. Han geldialdi txiki bat egin zuten mokadutxoa hartzeko, eta ondoren autobusez egin zuten itzulera.

Eguraldiaren gorabeherak gorabehera, goiz atsegina eta giro onean egindako irteera izan zen.

 

 

Azken albisteak

BULEGOA ITXITA

Albiste honen bitartez abenduaren 19tik urtarrilaren 8rarte Elgoibar Ikastolako bulegoa itxita egongo dela jakinarazten dizuegu. Gabon zoriontsuak izan eta urte berri on!

GELA EGONKORRA

Irailean martxan jarri genuen gure Gela Egonkorra,eta poliki-poliki forma hartzen doa. Ikasgela hau ikasleen errealitate, ezaugarri eta interesetatik abiatzen den ikaskuntza-prozesuetan oinarritzen da, autonomia eta bizitza ahalik eta normalizatuena lortzeko behar dituzten trebetasunak garatuz.

ELKARTRUKEA DBH 1

DBH 1. mailako ikasleek ekintza berezia ospatu dute: Euskara eta Literatura arloan 1. unitatean egindako proiektuari amaiera emateko, Algortako San Nikolas ikastolako DBH maila bereko ikasleak etorri zaizkigu bisitan.

ELGOIBAR IKASTOLAKO DOKUMENTALAREN ESTREINALDIA

Atzo, Elgoibar Ikastolak bere historiaren orrialde esanguratsu bat bete zuen dokumental berria estreinatuta. Ikusi zuten askok balio handiko altxor gisa definitu zuten, ikastolaren memoria kolektiboa modu zainduan jasotzen duelako.
Gehiago