Skip to main content

NEREA IBARZABALEN BISITA

Nerea Ibarzabal idazlearen bisita LH3ra

LH3ko ikasleak oso pozik aritu dira Kimu materialarekin lanean, Jakelinen egunerokoa irakurtzen eta liburuaren ariketa desberdinak egiten. Liburuaren egilea, Nerea Ibarzabal idazle eta bertsolaria, gure ikastolara etorri da, eta ikasleek zorte handia izan dute berarekin solasaldi bat izateko.

Ikasleek galderak egiteko aukera izan dute, eta irakurzaletasuna eta literaturarekiko interesa pizteko une paregabea izan da. Solasaldiak ikasleen begiak distiratsu jarri ditu, eta irakurketa zein sortze-prozesua hurbilagotik ezagutzeko aukera eskaini die. 📚✨

Azken albisteak

50 JAI 50 TONTOR

Gure ikastolak bat egiten du 50 jai 50 tontor ekimenarekin! Ikastolako langileek, ikasleek eta familiek Hirukurutzetara igotzen dute, giro paregabean eta komunitatearen indarra ospatuz.

INAUGURAZIO OFIZIALA

Felix Etxeberria “Parapan” Elgoibar Ikastolako sortzaile eta sustatzaileetako bat izan zen, euskaltzale sutsua eta ikastolaren proiektuarekin erabat konprometitutako pertsona. Bere bizitzan zehar erakutsitako atxikimendu horren adierazgarri, bere ondarearen zati bat, Muskurutxun kokatutako lursail bat, ikastolari dohaintzan utzi zion.

SIMULAKROA

Gaur goizean suaren simulakroa egin dugu gure ikastolan, larrialdi egoera baten aurrean nola jokatu praktikatzeko eta ikastola modu seguru eta koordinatuan husteko prozedurak berrikusteko helburuarekin.

LINGOLANG LH3

Azken egunotan esperientzia oso aberasgarria bizi izan dugu Ikastolan, Atxutxiamaika-ren eskutik. Hizkuntzen aniztasuna, kultura ezberdinak eta munduko txoko askotako bizipenak gertutik ezagutzeko aukera izan dugu, elkarrengandik ikasiz eta partekatuz.
Gehiago