Skip to main content

GUSTOS PROIEKTUA

Portadako irudia

GUSTOS proiektua: ikastolako jangelan elikagai-xahuketaren aurkako urrats berriak

Ikastolan badugu berrikuntza garrantzitsu bat jangelan: GUSTOS proiektua martxan jarri dugu, gure eguneroko ohituretan kontzientzia handiagoa eta jasangarritasuna txertatzeko asmoz. Aldaketa benetakoa eta esanguratsua jantokitik hasten da, eta hori da Europa mailako ekimen honek proposatzen duena.

Zer da GUSTOS?

GUSTOS Europako proiektua da, Euskal Herriko eta Kataluniako 20 eskola-jantokitan elikagai-xahuketaren prebentzioa eta murrizketa bultzatzen dituena.

Helburua argia da:

  • Ikaskuntza partekatuak sortzea,

     
  • Eta eskola-jantokia hezkuntza-gune estrategiko bihurtzea, elikadura osasungarri eta jasangarriaren alde.
     

Proiektua gobernu-erakundeek, gizarte-eragileek eta gastronomiaren munduko adituek osatutako partzuergo batek gidatzen du, esperientzia gastronomikoa eta berrikuntza soziala uztartuz.

Zein da helburua?

2027a baino lehen:

  • Gure jangelan alferrik galtzen den janaria %15 murriztea.
    Eta hori, noski, hezkuntza-komunitate osoaren parte-hartzearekin: ikasleak, jantokiko langileak, irakasleak eta familiak.

Nola egiten ari gara?

Ikastolan bi jarduera-ildo nagusi garatzen ari gara:

1. Hezkuntza-esku-hartzeak

  • Jantokiko langileentzako prestakuntza.
     
  • Eguerdiko tartean jolas didaktikoak, ikasleek kontzientzia har dezaten.
     
  • Metodologia pedagogiko eraldatzaileak komunitate osoarentzat.

2. Esku-hartze gastronomikoak

  • Errezetak eta elaborazioak berdiseinatzea, ikasleekin eta sukaldaritza-taldearekin elkarlanean.
     
  • Razioak doitzea, adin bakoitzari dagokion kantitate egokia zerbitzatzeko.
     

Horrez gain, elikagai-xahuketa neurtzen ari gara 10 eguneko saioetan: esku-hartzeak hasi aurretik, bitartean eta ondoren. Honek aukera ematen digu jakiteko:

  • zein elikagai galtzen den gehien,
     
  • zergatik,
     
  • eta zer-nolako hobekuntzak lortzen goazen.

Zer irabazten dugu proiektuan parte hartuta?

GUSTOSek aukera ematen digu:

  • Gure jangelan gertatzen den benetako elikagai-xahuketa ezagutzeko.
     
  • Ikasleak eta familiak ingurumenarekiko kontzientzian sakontzeko.
     
  • Hezkuntza-material bereziak eta gure diagnosira egokitutako jarduerak jasotzeko.
     
  • Ikastola jasangarritasunarekiko konprometitu gisa errekonozitua izateko.
     
  • Emaitza neurtuak eta partekatuak edukitzeko.

 

Azken albisteak

MAITANE ORMAZABALEN HITZALDIA LH6

LH 6. mailako ikasleek Maitane Ormazabal adituaren hitzaldian parte hartu dute, ikasleen gaitasun digitala eta emozionala lantzea helburu izan duen saioan. Jardueraren bidez, pantailek eguneroko bizitzan eta, bereziki, osasunean duten eraginaren inguruan hausnartzeko aukera izan dute.

BULEGOA ITXITA

Albiste honen bitartez abenduaren 19tik urtarrilaren 8rarte Elgoibar Ikastolako bulegoa itxita egongo dela jakinarazten dizuegu. Gabon zoriontsuak izan eta urte berri on!

GELA EGONKORRA

Irailean martxan jarri genuen gure Gela Egonkorra,eta poliki-poliki forma hartzen doa. Ikasgela hau ikasleen errealitate, ezaugarri eta interesetatik abiatzen den ikaskuntza-prozesuetan oinarritzen da, autonomia eta bizitza ahalik eta normalizatuena lortzeko behar dituzten trebetasunak garatuz.

ELKARTRUKEA DBH 1

DBH 1. mailako ikasleek ekintza berezia ospatu dute: Euskara eta Literatura arloan 1. unitatean egindako proiektuari amaiera emateko, Algortako San Nikolas ikastolako DBH maila bereko ikasleak etorri zaizkigu bisitan.
Gehiago