Datorren martxoaren 19an Korrika 24 hasiko da Atharratzen. Hamar egunetan zehar Euskal Herria zeharkatu ondoren, Bilbon bukatuko da martxoaren 29an.
Korrika, AEK-k antolatuta, Euskal Herri osoan zehar egiten den euskararen aldeko lasterketa erraldoia da. Gure hizkuntzaren aldeko kontzientzia suspertzea eta gau-eskola zein euskaltegien eguneroko lana indartzeko dirua biltzea ditu helburu.
Elgoibar Ikastolak bat egin du ekimen honekin eta, ohiko den bezala, 2 km hartu ditu ekimen hau sustatzeko asmoz. Kilometro bat lankideek hartuko dute eta bestea, aldiz, familiek. Hori dela eta, zera eskatu nahi dizuegu: familia bakoitzak, gutxienez, 1€-ko laguntza ematea. Familiek egindako ekarpena Erdiko Aretoan jarriko den kutxan bilduko da martxoaren 9tik martxoaren 27ra bitartean.
Bukatzeko, jakin ekimen honi buruzko informazio gehiago duzuela honako web gunean: www.korrika.eus.
