Igandean haurren mendi irteera izan zen Urkamendi-Kalbariora. Eguraldi ona emanda zegoen arren, eguna goibel esnatu zen. 38 haur eta beste horrenbeste nagusi hurbildu ziren trenez Debaraino, eta bertara heldu orduko hasi zuen euria. Ez zuen asko iraun halere, eta aldapak igotzen hasi orduko atertu zen. Azkenerako, eguraldiak errespetatu zien eta kostaldeko ibilbide polit honetaz gozatzeko aukera izan zuten guztiek.
Ikastolako Berriak
Ipar Euskal Herriko euskalgintzak deituta, Frantziako gobernuari egiazko hizkuntza politika eta baliabideak exigitzeko bildu ziren hainbat eta hainbat euskaltzale Baionan.
Dakizuen moduan apirilaren 22an manifestaldia ospatuko da Baionan azterketak euskaraz egiteko eskubidearen alde. Elgoibartik ere mugituko da bertara familiarik, bailarako ikastolen artean horretarako antolatu dugun autobusean.
Baratza ari da bere fruituak ematen. Udaberriarekin batera baba beltza jaso dugu egunotan. Irudietan ikusten den bezala, LH 3 eta LH 4. mailako ikasleak aritu dira batzen. Jantokian sukaldatzeko adina alerik bilduko al zuten!
LH4.mailako ikasleek BIZILABE elkartearen bisita izan dute, eta bertan zientzia arloetara gerturatzeko ekintza burutu dute. Lehenik eta behin, Elgoibarren lan egiten duten zientzialari batzuen bisita izan dugu, Miren Otal, Larraitz Alkorta eta Virginia Zuazo. Hauek beraien lanbidea eta izan duten ibilbideari buruz informazioa helarazi die ikasleei. Ondoren, Bizilabeko kidea den Oihane Brauer-ekin likido ez newtondarra izeneko esperimentua burutu dute. Goiz ederra pasatu dugu elkarrekin.
Datorren igandean, apirilaren 23an ospatuko den saskibaloi partidurako sarrera gonbidapenak banatu ditugu.
Opor garaian zaintza zerbitzu berezia eskaini du ikastolak HH02 eta LH2 tarteko haurrentzat, irudietan ikusten den eran hainbat ekintza desberdin burutzeko aukera izan dutelarik. Oporretan ere ikastola zabalik izan dugulako...
Apirilak 23rako Urkamendi-Kalbariora irteera proposatzen digute Morkaikotik, Herri Eskola eta Ikastolako gurasoekin elkarlanean antolatutako mendi irteeran.