Elgoibarko Udalak udalerrian erabateko kardiobabes sistema ezartzeko sistema esleitu du, eta desfibriladoreak modu egokian erabiltzeko gaituta dauden boluntarioen sarea osatzeko egingo diren formakuntza saioetarako deialdia zabaltzea erabaki du. Hona asmo horrekin udalak bidalitako oharra.
Ikastolako Berriak
Belaunaldien arteko topaketa desberdinak antolatu dituzte LH 5. mailako ikasleek. Batzuen jakituria eta besteen ezagutzak eta gaitasunak partekatzeko asmoz, ikasleen erdiek aiton-amonak elkarrizketatu dituzte beraien bizipenak eta kontuak jasotzeko helburuarekin. Beste alde batetik, gainetako ikasleek, taldeka, tailer desberdinak antolatu dituzte, Elgoibarko Jubilatuen Etxean burutuko dituztenak hurrengo egunetan.
Martxoaren 4an ospatuko dugun Pilotaren eguna berotzen, horra ekitaldiaren gosegarri bideo labur bat. Gu pilotarekin!!
https://vimeo.com/800791776/b20e994d33
Alexia plataformako Irakaslearen Koadernoa prest da jadanik. Gure profesional talde bat Ikastolen Elkarteko Josune Gerekarekin eta Amaia Triguerosekin bildu zen iragan otsailaren 16an, gure egitekoei balio erantsi nabariak eskainiko dizkion baliabide horren inguruan aritzeko. Bileran ondorioztatu ahal izan genuen bezala, gure Ebaluazio Hezigarria era praktiko batean aplikazio sistematikora eramateko tresna bihur daiteke Koaderno Digitala.
Elgoibar Ikastolak mantentze lanetarako ordezkapen bat betetzeko langilea behar du. Beharrezkoa da euskaraz jakitea. CVak ondorengo helbide honetara bidaltzea eskertuko genizueke, erreferentzia gisa mantenua jarrita.
elgoibar@elgoibarikastola.eus