Abenduak 15erako Morkaikotik, Herri Eskola eta Ikastolako gurasoekin elkarlanean antolatutako mendi irteera proposatu nahi dizuegu: Elosu-Polpol-Irukurutzeta.
Hasiera batetan Aitzbeltzera zen irteera. Baina bertarako bidearen egoera kaskarra da. Azaroko irteera Irukurutzeta-Polpolera ginen egitekoak, baina haizetea zela eta bertan behera gelditu zen. Hori dela eta, irteera hau abenduan egitea pentsatu dugu.
Autoak Elosun utziko ditugu. Handik oinez Elosumendi gainera igoko gara.
Behin gaina hartuta, pago artean dagoen bide eder bat jarraituz, Polpolera helduko gara.
Bidean dolmen eta ondare megalitiko ugari aurkituko ditugu. Horien artean txukundu berri duten Keixetako tumulua bisitatuko dugu.
Polpoletik zuzenean irukurutzetara joko dugu. Eguraldiaren eta martxaren arabera, Irukurutzeta gainera joan beharrean, beste bide batetik itzultzeko aukera izango dugu.
Irukurutzetatik, Gipuzkoa eta Bizkaiako bista ederrez gozatzeko aukera edukiko dugu.
Elgoibarko mugetan dagoen paraje eder bat ezagutzeko aukera paregabea da hau. Igande goiz pasa eder bat osatzeko primerakoa.
Bazkal ordurako Elgoibarrera itzuliko gara. Dena dala, nahi duenak egun pasa egiteko ere aukera ederra du.
Informazio praktikoa:
- Luzera:+/-12 Km
- Desnibela: +/- 400m
- Irteera: 9:30 Mintxetako parkinean.
- Irteera nagusi zein gaztetxoeri zuzenduta dago.
- Umeak ezingo dira bakarrik etorri. Gurasoren bat arduradun etorri behar da.
- Eguraldiaren arabera irteerak aldetak izan ditzazke.
- Eguraldia dela eta abisu edo alertarik egon ez gero, irteera bertan behera geldituko da.
Animatu zaitezte!!
