Europako Egileen Eguna Europako Batzordearen ekimen bat da, belaunaldi gazteenak literaturarekin eta liburuen irakurketarekin birkonektatzeko eta Europako literaturaren aniztasuna aurkitzen laguntzeko sortua. Maite López Las Heras idazle eta irakasleak itzulitako Ibilbidea testuaren irakurraldiarekin ospatu dugu.
Irakurzaletasunaren plan barruan eta Juul kanpainaren bozketa astean Europako Egileen Eguna ospatu dugu ikastolan horretarako DBH 1. mailan prestatu den ekitaldi xumean.
Saioan, Maitek Egeria bidaiari eta idazle hispanoerrimatarraren Ibilbidea testuaren pasarte batzuk irakurri ditu. Jakina den bezala, Maite Lópezek berak itzulitako eta argitaratutako liburua da Ibilbidea bidaia liburua.
Europako hainbat herrialde desberdinetako ikastetxe ugarirekin bat eginez, Elgoibar Ikastolak egunaren ospakizunean parte hartu du errezitaldi honen bitartez. Saioan, ikasleek euren poemak irakurtzeko aukera izan dute.
Hona saiotik jaso ditugun argazkiak:
