Skip to main content

Elkarteratzea egin du Elgoibar Ikastolak

Egun korapilatsuak bizitzen ari gara matrikulazio prozesua dela eta. Ikastoletan eta familietan egonezin handia sortu da, eta egoeraren aurrean gure iritzia gizarteratzeko premia ikusita, elkarteratzea antolatu du Elgoibar Ikastolak ikastolako atarian eguerdiko 12etan.

elkarteratzea

Elgoibar Ikastolaren komunikatua hedabideei

2023ko martxoak 31

 

Matrikulazio prozesua dela eta egunotan egoera nahasia bizitzen ari gara. Ikastoletan eta familietan egonezin handia sortu dute Hezkuntza Sailak asteartean argitaratu zituen matrikulazioko behin-behineko zerrendek. Bizitzen ari garen egoera gizarteratzeko premia ikusita, Elgoibar Ikastola honako komunikatua partekatu beharrean aurkitzen da.

Urteetan ikastola hau osatzen duten partaideak gestio akademiko, pedagogiko eta ekonomiko ahalik eta onena egiten saiatu dira, eta lan horren ondorio dira urtez urte jasotako  gure matrikula emaitzak. Gure lanaren emaitza hori ezin digute alde bateko erabakien ondorioz, besterik gabe, kendu. 

Argi utzi nahi dugu onarpen dekretuarekin eta onarpen dekretuaren atzean dagoen filosofiarekin bat egiten dugula. Bat egiten dugu ekitatearen alde eta segregazioren aurka egoera zaurgarrian dauden familiak era ekitatiboan banatzearekin. Hala ere, ez dugu inolaz ere bat egiten hori aurrera eramateko moduarekin, non, batetik, mugatu egin zaizkigun gure plazak hasiera batean adierazitakoekiko, itxaron zerrendan sei familia kokaturik eta hasieran eskainitakoekiko hiru plaza bete gabe geratuz, horien etorkizuna zein izango den argitu gabe. 

Era berean, prozesuan zehar bizitzen ari garen ezjakintasuna eta informazio ezak familiengan eta oro har guztion artean sortzen duten egoera salatu nahi dugu, ez baitira ezagutzen zaurgarritasun-indizearen nondik norako guztiak. 

Hori horrela, Hezkuntza Sailari irizpideen erabilpenean gardentasun handiagoa, ikastetxeari dagozkion plaza guztiak berehala bete ahal izatea eta ikastetxe guztiok matrikulaziorako baldintza berak izatea eskatzen diogu.

Azken albisteak

Irudia
Morkaiko Mendizale Elkarteak, Herri Eskolako eta Elgoibar Ikastolako familiekin elkarlanean, Elosu-Polpol ingurura mendi irteera antolatu du azaroaren 15erako, igandea. Ekimenaren helburua da naturaz gozatzeko, inguruko ondare historikoa ezagutzeko eta familien arteko harremanak sendotzeko aukera eskaintzea.
Irudia
Urriaren 13an zendu zen Inazio Garmendia, Elgoibar Ikastolako irakasle ohia eta herriko euskalgintzan ibilbide luzea egindako euskaltzale konprometitua.
Irudia
Urriak 25erako Morkaikotik, Herri Eskola eta Ikastolako gurasoekin elkarlanean antolatutako mendi irteera proposatzen dizuegu: Zumaia Zarautz.
Irudia
DBH3ko ikasleak Olaizaga kiroldegian eskalada lantzen aritu dira hiru egunez! Esperientzia honen bidez, erronka berriei aurre egin, norberarenganako konfiantza indartu eta talde-lana sustatzeko aukera izan dute, betiere esperientziaz gozatuz.