Ikastolako eta Herri Eskolako 20 haur eta beste horrenbeste nagusi bildu ziren Mintxetako parkinean, Morkaikok antolatutako sasoiko bigarren irteeran Markina aldera abiatzeko.
Mendi irteerari Lekoitzeko lepoan ekin ostean, bertan pista hartu eta Santa Eufemiako zelaietara abiatu ziren. Ondoren, Urregaraiko tontorrera igo ziren, bertan dauden 223 eskailerak igota.
Tontor gainetik Bizkaiko txoko eder honetatik dauden bista zoragarriez gozatzeko aukera izan zuten. Ermita ondoa merezitako hamarretakoa egin ondoren, atzera Lekoitzera itzuli ziren bazkal ordurako Elgoibarrera iristeko.
Datorren irteera abenduaren 3an izango da.
